O‘quv modullari tog‘li hududlarda sayyor formatda o‘tkaziladi. Bir necha kun davomida O‘zbekistonning turli hududlaridan kelgan jurnalistlar va media menejerlar intensiv ta’lim, jamoaviy ish va professional muloqot muhitiga sho‘ng‘iydi.
Ishtirokchilar kontent yaratish va uni targ‘ib qilishning zamonaviy vositalarini o‘zlashtiradi, tahririyat ish jarayonlarini samarali yo‘lga qo‘yish, jamoalarni boshqarish, auditoriyani kengaytirish hamda barqaror monetizatsiya modellarini ishlab chiqishni o‘rganadi.
Mediamaktabi so‘nggi modul bilan yakunlanmaydi. Bitiruvchilar professional hamjamiyatning bir qismi bo‘lib qoladi, o‘zaro tajriba almashadi, hamkorlar topadi va bir-birini qo‘llab-quvvatlaydi.
«Mediamenejment» kursi
Kundalik vazifalarni bajarish bilangina cheklanmay, o‘z mediasini tizimli ravishda rivojlantirishni istagan tahririyat rahbarlari va media menejerlar uchun mo‘ljallangan dastur.
- Jamoalar, resurslar va loyihalarni boshqarish.
- Auditoriyani rivojlantirish va kontentni targ‘ib qilish.
- Barqaror daromad olish modellarini izlash.
- O‘z tahririyati faoliyatini tahlil qilish va amaliy yechimlar ishlab chiqish.
«Jurnalistika» kursi
Raqamli muhitda yanada kuchli, mazmunli va auditoriya uchun qiziqarli materiallar yaratishni istagan jurnalistlar uchun mo‘ljallangan dastur.
- Mavzular va qahramonlarni topish, axborotni tekshirish.
- Zamonaviy multimedia formatlari.
- Jurnalist faoliyatida vizuallashtirish va sun’iy intellekt vositalari.
- O‘z g‘oyalarini amaliy jihatdan ishlab chiqish.
MediaSchool Uzbekistan ikki yo‘nalish bo‘yicha uchta oflayn o‘quv moduli shaklida o‘tkaziladi:
Strategiya
Birinchi modul media strategiyasi va biznes modeliga bag‘ishlanadi. Global va mahalliy tendensiyalar tahlil qilinadi, maqsadli auditoriya aniqlanadi. Tijoriy maqsadlar va media missiyasi o‘rtasidagi muvozanatni topish, zararsizlik nuqtasini hisoblash hamda biznes-rejaning asoslarini ishlab chiqish o‘rganiladi.
Daromad olish
Daromad olish va reklama bozori bilan ishlash asoslari. Xarajatlarni rejalashtirish va moliyaviy barqarorlikni baholash. Asosiy e’tibor nativ reklama, interfaol formatlar, ixtisoslashgan loyihalar hamda reklama beruvchilar bilan ishlaydigan savdo bo‘limini shakllantirishga qaratiladi.
Boshqaruv
Jamoa, loyihalar va tahririyat jarayonlarini boshqarish. Loyihalarning hayotiy sikli va yetakchilik uslublari. Vazifalar va rollarni taqsimlash, jamoani rag‘batlantirish, frilanserlar bilan ishlash hamda barqaror ichki kommunikatsiyalarni yo‘lga qo‘yish.
Final
Ishtirokchilar uch modul davomida ishlab chiqqan loyihalarini taqdim etadi va ekspertlardan yakuniy fikr-mulohazalarni oladi. Dastur natijalarni taqdim etish va eng yaxshi tashabbuslarni taqdirlash bilan yakunlanadi.
Asoslar
Kuchli jurnalistik material yaratish asoslari. Dolzarb mavzularni topish, manbalar bilan ishlash va axborotni ta’sirchan hikoyaga aylantirish bo‘yicha amaliy mashg‘ulotlar. Asosiy e’tibor material tuzilishi, professional standartlar va sifatli media mahsulotini ajratib turadigan mezonlarga qaratiladi.
Formatlar
Zamonaviy vizual taqdimot: fotografiya, videotasvirga olish, montaj va storitelling. Kontentni targ‘ib qilishga alohida e’tibor qaratiladi: ijtimoiy tarmoqlar algoritmlari, SEO hamda materiallarni turli raqamli platformalarga puxta moslashtirish.
Amaliyot
O‘z media loyihalari ustida ishlash. Ishtirokchilar g‘oya shakllanishidan va jamoada vazifalarni taqsimlashdan boshlab, tayyor mahsulotni yaratishgacha bo‘lgan barcha bosqichlarni bosib o‘tadi hamda soha trenerlaridan muntazam fikr-mulohaza oladi.
Final
Jamoalar tayyor media loyihalarini taqdim etadi, g‘oyalari va ish jarayoni tafsilotlari bilan o‘rtoqlashadi. Ishtirokchilar yakuniy baholarni oladi, shundan so‘ng Media maktabining umumiy natijalari sarhisob qilinadi va tantanali taqdirlash marosimi o‘tkaziladi.
Ishtirokchilar tanlagan yo‘nalishi bo‘yicha alohida guruhlarda ta’lim oladi.
Modullar oralig‘ida ular maxsus onlayn platformada majburiy individual topshiriqlarni bajaradi. Bu ularga olgan bilimlarini amaliyotda qo‘llash, ko‘nikmalarini mustahkamlash va o‘z loyihalari ustida izchil ishlash imkonini beradi.
Media maktabi Toshkent viloyatining Bo‘stonliq tumanida sayyor formatda o‘tkaziladi. Ishtirokchilarning kelishi har bir modul boshlanishidan bir kun oldin tashkil etiladi.
Barcha uch modulda qatnashish va modullar oralig‘idagi topshiriqlarni bajarish majburiy!
мы (не) теряем
Хабибуллаева Дилором
Джеймс Али
Дана Опарина
Дарья Османова
Ева Абдураимова
Дилявер Аблякимов
