2026-yil 28-oktabr kuni Toshkentda O‘zbekiston Mediamaktabining 50 nafar bitiruvchisi bir joyga jam bo‘ladi.
Turli yillarda va yo‘nalishlarda tahsil olgan, O‘zbekistonning turli hududlaridan kelgan bitiruvchilar tajriba almashish, media sohasining kelajagini muhokama qilish, yangi professional vositalarni o‘zlashtirish hamda Alumni Network’ni rivojlantirish bo‘yicha keyingi qadamlarni belgilash uchun uchrashadi.
Bu uchrashuvlar, g‘oyalar va yangi imkoniyatlarga boy kun bo‘ladi. Dasturdan bitiruvchilar hikoyalari, ekspert mahorat darslari, professional aloqalarni kengaytirish, hamjamiyat tashabbuslari ustida birgalikda ishlash va norasmiy muloqot o‘rin oladi.
To‘rtta amaliy mahorat darsi bugun jurnalistlar va tahririyatlar faoliyatini o‘zgartirayotgan mavzularga bag‘ishlanadi:
SI — illyuziyalarsiz
Mediada sun’iy intellektga amaliy nigoh: imkoniyatlar, xatarlar va sog‘lom fikr.
Buzib kirishga yo‘l qo‘ymang
Jurnalist va tahririyatning raqamli xavfsizligi: ma’lumotlar, qurilmalar va manbalarni himoya qilish.
Media biznes sifatida
Media qanday daromad topadi va mustaqilligini saqlab qoladi: modellar, auditoriya va barqarorlik.
Iqlim mediafaollik
va ESG
Media iqlim va barqaror rivojlanish haqida qanday hikoya qiladi va axborot kun tartibiga qanday ta’sir ko‘rsatadi.
Har bir mahorat darsini taklif etilgan ekspert olib boradi. Ishtirokchilar nafaqat yangi g‘oyalar bilan tanishadi, balki real keýslarni tahlil qiladi, amaliy topshiriqlarni bajaradi va keyingi faoliyatida qo‘llashi mumkin bo‘lgan vositalarni o‘zlashtiradi.
Konferensiya bitiruvchilar uzoq tanaffusdan so‘ng yana uchrashishi, boshqa yillardagi bitiruvchilar bilan tanishishi, o‘z loyihalari haqida so‘zlab berishi, hamkorlar va mentorlar topishi hamda yangi kasbiy imkoniyatlarga ega bo‘lishi uchun maydon bo‘ladi.
28-oktabr kuni Mediamaktabi o‘z bitiruvchilarini yana bir bor bir joyga jamlaydi — bu safar o‘quv dasturi ishtirokchilari sifatida emas, balki professional hamjamiyat sifatida.
Joylar soni cheklangan — konferensiyada 50 nafar bitiruvchi ishtirok eta oladi. Saralash topshirilgan arizalar asosida amalga oshiriladi. Bunda turli yillarda tahsil olgan bitiruvchilar, ta’lim yo‘nalishlari va hududlar vakilligi hisobga olinadi.
Hamkorlik doirasida brendni konferensiya dasturi va axborot materiallarida taqdim etish, mahorat darsi o‘tkaziladigan makonni brendlash, kompaniya vakilining ishtiroki hamda tashkilotchilar bilan kelishilgan boshqa hamkorlik shakllari ko‘zda tutilishi mumkin.
