28 oktabr 2026 kuni Toshkent shahrida O‘zbekiston Media maktabi bitiruvchilarining bir kunlik konferensiyasi bo‘lib o‘tadi. Unda turli yillarda tahsil olgan, turli yo‘nalish va hududlardan kelgan 50 nafar bitiruvchi — jurnalistlar, muharrirlar, media menejerlari, loyiha mualliflari va hududiy media vakillari ishtirok etadi. O‘tkazilish joyi hozircha aniqlanmoqda.
Hamkorlikka media rivoji, raqamli texnologiyalar, kiberxavfsizlik, barqaror biznes, iqlim kun tartibi va professional ta’lim masalalariga qiziqadigan kompaniyalar, tashkilotlar, jamg‘armalar va professional hamjamiyatlar taklif etiladi.
Hamkor konferensiyani to‘liq qo‘llab-quvvatlashi yoki ekspertlik mahorat darslaridan birining hamkori bo‘lishi mumkin.
28 oktabr 2026 kuni Toshkent shahrida O‘zbekiston Media maktabi bitiruvchilarining bir kunlik konferensiyasi bo‘lib o‘tadi. Unda turli yillarda tahsil olgan, turli yo‘nalish va hududlardan kelgan 50 nafar bitiruvchi — jurnalistlar, muharrirlar, media menejerlari, loyiha mualliflari va hududiy media vakillari ishtirok etadi. O‘tkazilish joyi hozircha aniqlanmoqda.
Hamkorlikka media rivoji, raqamli texnologiyalar, kiberxavfsizlik, barqaror biznes, iqlim kun tartibi va professional ta’lim masalalariga qiziqadigan kompaniyalar, tashkilotlar, jamg‘armalar va professional hamjamiyatlar taklif etiladi.
Hamkor konferensiyani to‘liq qo‘llab-quvvatlashi yoki ekspertlik mahorat darslaridan birining hamkori bo‘lishi mumkin.
Sun’iy intellekt haqida xomxayollarsiz
Mediada sun’iy intellektga amaliy yondashuv: imkoniyatlar, xavflar va sog‘lom fikr.
Hakerlar hujumidan himoyalanish
Jurnalist va tahririyatning raqamli xavfsizligi: ma’lumotlar, qurilmalar va manbalarni himoya qilish.
Biznes sifatida media
Media qanday daromad oladi va mustaqilligini saqlab qoladi: biznes modellari, auditoriya va barqarorlik.
Iqlimiy
media faolligi va ESG
Media iqlim va barqaror rivojlanish haqida qanday hikoya qiladi va kun tartibini qanday o‘zgartiradi.
Sun’iy intellekt haqida xomxayollarsiz: zamonaviy tahririyat uchun amaliy vositalar
Jurnalistlar, muharrirlar va media menejerlarining kundalik ishida sun’iy intellektdan foydalanishga bag‘ishlangan amaliy mahorat darsi.
Hakerlar hujumidan himoyalanish: jurnalistlar uchun raqamli xavfsizlik
Akkauntlar, qurilmalar, ish hujjatlari, tahririyat ma’lumotlari va maxfiy manbalarni himoya qilishga bag‘ishlangan mahorat darsi.
Biznes sifatida media: daromad, ishonch va barqarorlik
Monetizatsiya modellari, hamkorlik loyihalari hamda moliyaviy barqarorlik, tahririy mustaqillik va auditoriya ishonchi o‘rtasidagi muvozanatni ta’minlashga bag‘ishlangan mahorat darsi.
Iqlimiy media faolligi va ESG: Markaziy Osiyoda kommunikatsiyaning yangi standarti
Iqlim jurnalistikasi, barqaror rivojlanish, ESG kommunikatsiyalari va kompaniyalarning ekologik bayonotlarini tekshirishga bag‘ishlangan mahorat darsi.
nimalarga ega bo‘ladi?
Hamkorlik imkoniyatlari quyidagilarni o‘z ichiga olishi mumkin:
Hamkorning mahorat darsini qo‘llab-quvvatlashi, avvalo, kompaniyaning mazmunli va ekspertlik asosidagi ishtirokini nazarda tutadi.
Mahorat darsi professional auditoriya uchun foydali bo‘lishi, real misollar va amaliy vositalarni o‘z ichiga olishi, ishtirokchilar bilan interaktiv muloqotni ta’minlashi hamda ular o‘z ishida qo‘llay oladigan aniq natija bilan yakunlanishi kerak.
Kompaniya, uning mahsulotlari yoki yechimlarini alohida taqdim etish imkoniyati qo‘shimcha ravishda ko‘rib chiqilishi va tashkilotchilar bilan alohida kelishilishi mumkin.
Mahorat darsining mazmuni, dasturi va ekspert nomzodi konferensiya tashkilotchilari bilan oldindan kelishiladi.
Konferensiya hamkori
Butun konferensiyani qo‘llab-quvvatlash va tadbirning barcha asosiy materiallarida brendning namoyish etilishi.
Mahorat darsi hamkori
To‘rtta ekspertlik mahorat darsidan birini qo‘llab-quvvatlash va tegishli mavzuga bag‘ishlangan blokni brendlash.
Resurs hamkori
Tadbir o‘tkaziladigan joy, texnik jihozlar, ovqatlanish, transport, ishtirokchilar uchun turar joy, esdalik sovg‘alari yoki boshqa zarur resurslarni taqdim etish.
Axborot hamkori
Axborot kampaniyasini qo‘llab-quvvatlash, konferensiya, uning mavzulari va ishtirokchilari haqida e’lonlar, intervyular va materiallarni e’lon qilish.
Hamkorlik badali miqdori tanlangan hamkorlik shakli, ishtirok ko‘lami va hamkor uchun taqdim etiladigan imkoniyatlar majmuasiga bog‘liq.
Dastlabki murojaatdan so‘ng tashkilotchilar quyidagilarni taqdim etadi:
- hamkorlik bo‘yicha batafsil taklif;
- tanlangan mahorat darsi tavsifi;
- hamkor uchun taqdim etiladigan imkoniyatlar ro‘yxati;
- moliyaviy shartlar va xarajatlar smetasi;
- logotip va axborot materiallariga qo‘yiladigan talablar;
- materiallarni taqdim etish muddatlari;
- kelishuv loyihasi.
Hamkorlikning barcha shartlari hamkor va konferensiya tashkilotchilari o‘rtasida yozma kelishuv bilan rasmiylashtiriladi.
- hamkorlikni tasdiqlash — 2026-yil 30-sentabrgacha;
- mahorat darsining mavzusi, eksperti va mazmunini kelishish — 2026-yil 5-oktabrgacha;
- logotip va brend materiallarini taqdim etish — 2026-yil 5-oktabrgacha;
- konferensiya — 2026-yil 28-oktabr, Toshkent.
Zamonaviy jurnalistikani rivojlantirish markazi
Elektron pochta: сdmjuz@gmail.com
Xat mavzusi: «Bitiruvchilar konferensiyasi hamkori»
Mas’ul shaxs: Nargiza Sharipova
