📢 Toshkentda II Markaziy Osiyo xalqaro media-ayol mutaxassislari konferensiyasi bo‘lib o‘tadi

🗓 Tadbir 2026-yilning 14–15-sentabr kunlari «Mintaqaviy birodarlik, raqamli xavfsizlik va jurnalistikaning inklyuziv kelajagi» shiori ostida o‘tkaziladi. Anjuman Qozog‘iston, Qirg‘iziston, Tojikiston, Turkmaniston va O‘zbekistondan 100 nafar jurnalist, muharrir, media-menejer, raqamli kontent yaratuvchilari hamda ekspertlarni bir davra atrofida jamlaydi.

📌 Uchrashuvning asosiy mavzulari sun’iy intellektning jurnalistikaga ta’siri, onlayn-harassmentdan (ta’qibdan) himoyalanish va amaliy raqamli xavfsizlik masalalari bo‘ladi. Ishtirokchilar SI (sun’iy intellekt) etikasi, dipfeyklarga qarshi kurashish hamda shaxsiy ma’lumotlarni xavfsiz saqlash algoritmlarini muhokama qiladilar.

Dastur doirasida gender-sezgir jurnalistika bo‘yicha yagona mintaqaviy qo‘llanma ishlab chiqish va Ayol jurnalistlar koalitsiyasining 2026–2029-yillarga mo‘ljallangan faoliyat yo‘nalishlarini belgilab olish ham rejalashtirilgan.

‼️ Raqamli san’at va hujjatli teatr tutashuvida yaratilgan «Aks-sado: Ko‘rinmas ovozlar kuchi» audiovizual performans tadbirning alohida e’tiborga molik voqeasiga aylanadi. Bundan tashqari, konferensiyada yetakchilik va mediasohani rivojlantirishga qo‘shgan hissasi uchun beriladigan Women Media Awards Central Asia mintaqaviy mukofoti topshiriladi.