Ҷавобҳо ба саволҳои зуд-зуд додашаванда
Платформаи QLEVER ин як портали онлайнии таълимӣ-фароғатӣ буда, дар чаҳорчӯбаи лоиҳаи «Тақвияти тавонмандии ҷавонони Осиёи Марказӣ барои муқовимат ба суханҳои нафратангез ва бардурӯғ дар интернет ва шабакаҳои иҷтимоӣ» амал мекунад.

Дар бораи Qlever

Ин чӣ гуна бозиҳо ва платформа мебошад?
Платформаи Qlever – ин онлайн портали таълимӣ- фароғатӣ буда, барои смартфонҳо ва планшетҳо бо Android, дастрас мебошад. Инчунин платформаро дар сомонаи www.qlever.asia истифода бурдан мумкин аст. Бозиҳои платформа барои инкишоф додани тафаккури интиқодӣ ва саводи иттилоотию расонаӣ, равона карда шудаанд. Ҳангоми гузаштани бозиҳо, муайян кардани хабарҳои бардурӯғ, сухани нафратангез ва чӣ тавр ба онҳо вокуниш карданро меомӯзӣ.
Маънои калимаи “Qlever” чист?
Доно, боақл!
Тарзи дурусти хондани калимаи “Qlever” чӣ гуна аст?
Qlever ҳамчун “Клевер” хонда мешавад, аз калимаи Clever – доно, боақл.
Платформаро кӣ маблағгузорӣ мекунад?
Платформа дар доираи лоиҳаи BRYCA “Тақвияти тавонмандии ҷавонони Осиёи Марказӣ барои муқовимат ба забони адоват ва иттилооти бардурӯғ дар интернет ва шабакаҳои иҷтимоӣ” таҳия карда шудааст. Платформа аз ҷониби Иттиҳоди Аврупо маблағгузорӣ карда мешавад.
Ман аз бозиҳо чӣ фоида гирифта метавонам?
Ҳангоми гузаштани бозиҳо, фарқ кардани хабарҳои бардурӯғ аз далелҳо, интиқодан фикр кардан, ба сухани нафратангез муқобилият нишон додан ва худро аз интернет-қаллобкорон муҳофизат карданро меомӯзӣ. Кӯтоҳ карда гӯем, саводи расонаиро аз худ мекунӣ!
Барои чӣ платформа дар iOS дастрас нест?
Шунавандагони мақсадноки мо (бозингарони ба монанди ту) асосан аз платформаи Android истифода мебаранд. Барои ҳамин, пеш аз ҳама платформа дар Android дастрас аст.
Ман бозиро дар Play Market / Google Play дарёфт карда наметавонам
Яқинан мушкилӣ дар аккаунти гугл мебошад. Платформа танҳо дар Осиёи Миёна дастрас мебошад. Агар дар Плей Маркети ту дигар кишвар ишора шуда бошад, бозиро дарёфт карда намешавад. Барои тафтиши кишвар дар плеймаркет, ба Плей Маркет ворид шав ва нишоначаи аккаунти худро пахш намо ➡️ танзимот ➡️ умумӣ ➡️ танзимоти аккаунт ➡️ кишвар. Агар дар онҷо, масалан, “Гурҷистон” ишора шуда бошад, онро бо кишвари худ иваз намо (Қазоқистон, Тоҷикистон, Ӯзбекистон ё Қирғизистон). Акнун бозӣ бояд ҳангоми ҷустуҷӯ пайдо шавад.
Чӣ тавр бо маъмурияти платформаи Qlever ба алоқа баромадан мумкин аст?
Агар ту ба саволи худ, дар “Саволҳои бисёр такроршаванда” ҷавоб наёфтӣ, пас ту метавонӣ бо мо, бо се роҳ ба алоқа бароӣ:
  • Ба мо дар Telegram чат навиштан [https://t.me/Qlever_tj_Bot] дар бахши “Дигар”. Дар инҷо мо тезтар ҷавоб медиҳем.
  • Ба хизматрасонии дастгирӣ муроҷиат кардан. Дар смартфон: ба бахши “Дар бораи Qlever” ➡️ “Муроҷиат ба маъмурият” ворид шав.
  • Ба почтаи электронии мо навиштан qlever.tj@gmail.com

Истифодаи аккаунти Qlever

Оё ман метавонам, ҳангоми ба дигар кишвар сафар кардан, Qlever-ро бозӣ кунам?
Агар ту аллакай аккаунт дошта бошӣ, пас ту метавонӣ Qlever-ро берун аз кишвар истифода барӣ. Дар назар дошта бош, ки мо наметавонем тӯҳфаҳоро ба кишвари дигар ирсол кунем.

Оё ман метавонам дар бозӣ якчанд аккаунт дошта бошам?
Аз рӯи қоидаҳои платформаи Qlever, доштани якчанд аккаунт манъ аст. Оид ба сабабҳои блок кардани аккаунт, ту метавонӣ дар бахши Форум “Қоидаи блок кардани бозингарон” бихонӣ.

Оё ман метавонам аккаунти Qlever-и худро дар дигар компютерҳо/смартфонҳо истифода барам?
Ту метавонӣ аккаунти Qlever-и худро дар ҳар кадом смартфонҳои Android ё дар браузери компютерҳо, ки пайвастшавӣ ба шабака доранд, истифода барӣ.

Оё аккаунти худро дар платформа тамоман нест кардан мумкин аст?
Мустақилона аккаунтро нест карда намешавад. Барои нест кардан ё блок намудани аккаунт бояд ба маъмурияти Qlever муроҷиат кард. Аз ҳама роҳи тезтар, дар Telegram бот, дар бахши “Сабт ё барқароркунии аккаунт” ба мо навиштан аст [https://t.me/Qlever_tj_Bot].
Агар бо ягон сабаб ту рақами телефонеро, ки бо ёрии он аккаунти худро кушода будӣ, истифода бурда наметавонӣ, онро дар бахши “Профил” ➡️ “Таҳрир кардан” ➡️ “Таҳрир кардани маълумот” иваз намудан мумкин аст.

Ҳангоми рӯ ба рӯ шудан бо мушкилиҳо дар платформа, ба кӣ бояд муроҷиат кард?
Бо масъалаҳои техникӣ ва дигар мушкилиҳо, бояд ба шӯъбаи дастгирӣ муроҷиат кард. Аз Telegram чати мо истифода бар ва он бахшеро, ки ба масъалаи ту марбут аст интихоб намо [https://t.me/Qlever_tj_Bot].
Инчунин метавонӣ дар худи платформа ба мо муроҷиат намоӣ. Дар смартфони худ: ба бахши “Дар бораи Qlever” ➡️ “Муроҷиат ба маъмурият” ворид шав. Дар веб бошад: дар қисмати чапи экран меню мавҷуд аст, дар онҷо “Муроҷиат ба маъмурият”-ро интихоб намо.

Чӣ тавр ман метавонам маълумоти худро тағйир диҳам?
Маълумоти худро дар бахши “Профил” ➡️ “Таҳрир” ➡️ “Иваз кардани маълумот” тағйир додан мумкин аст. Дар веб версияи бозӣ, нишоначаи профил дар кунҷи рости болоии экран мавҷуд аст. Маълумот баъд аз тафтиш аз ҷониби маъмурият иваз мешавад. Маълумоти нодуруст воридшуда аз ҷониби маъмурият қабул намешавад. Боварӣ ҳосил намо, ки дар платформа ному насаб ва санаи таваллудат ба таври дуруст ворид шудааст. Дар сурати нодуруст будани маълумот дар платформа, мо наметавонем тӯҳфаҳоро ирсол кунем.

Дар кадом ҳолатҳо аккаунти ман блок карда мешавад?
Аккаунт дар чунин ҳолатҳо блок карда мешавад:
  • истифода ва паҳн кардани модификатсияҳо, барномаҳои компютерӣ, роботҳо ва дигар алгоритмҳо ва методҳо, ки ба коди полатформа дахолат мекунанд;
  • кӯшиши тағйир додан ва таъсир расонидан ба натиҷаҳои бозиҳо, ба таври сунъӣ ҷамъ кардан ё интиқоли ситораҳо аз як ҳисоб ба ҳисоби дигар;
  • дигар воситаҳои дасткорӣ, тағйир додани бозиҳо, натиҷаҳои онҳо ё платформа;
  • сохтан ва истифода намудани якчанд аккаунт;
  • ҳама гуна ҳамлаҳо ба кори платформа ё ба дигар истифодабарандагон.
Муфассалтар дар бораи қоидаҳо метавонӣ дар “Созишномаи истифодабарандагон”, қисмҳои 5.8 ва 5.9 бихонӣ

Ҳангоми блок шудани аккаунти ман, ба кӣ муроҷиат намоям?
Агар аккаунт блок шуд, ба маъмурияти Qlever муроҷиат намудан лозим аст. Дар Telegram чат дар бахши “Сабт ва барқароркунии аккаунт” ба мо навиштан мумкин аст (ин аз ҳама роҳи тез).
Агар ту қоидаҳои платформаро вайрон карда боши, аккаунти туро барқарор намекунанд (“Созишномаи истифодабаранда” Қисми 5.8 ва 5.9)

Гузарвожа аз хотир баромадааст, чӣ кор кунам? /Чӣ тавр бояд гузарвожаро барқарор намоям?/ Чӣ тавр гузарвожаро дигар намоям?

Ҳангоми ворид шудан ба аккаунти худ, қисми “Ман гузарвожаро дар хотир надорам” ҳаст, онро пахш намо ва баъдан рақами телефонеро, ки бо он дар платформаи Qlever сабт шудаӣ, ворид намо. Ба рақами телефони ту паёмак меояд, ки барои иваз кардани гузарвожа лозим аст.
Агар ту якчанд код дархост намудӣ ё меъёри паёмакҳо ба охир расид, ба маъмурияти Qlever муроҷиат намо. Дар Telegram чат, дар бахши “Сабт ва барқароркунии аккаунт” ба мо бинавис [https://t.me/Qlever_tj_Bot]

Чӣ бояд кард, агар ҳисоби (аккаунти) ту шикаста ё дуздида шавад?
Агар аккаунти туро дар Qlever дуздидаанд, барои барқарор кардани он, бояд гузарвожаро иваз кард.

Дар ҳолати дастрасӣ надоштан ба рақами телефоне, ки аккаунти ту бо он пайваст аст (сим-корт гум шудааст ё шикастааст), ту метавонӣ ба шӯъбаи дастгирӣ дар Telegram чат муроҷиат намоӣ, бахши “Сабт ва барқароркунии аккаунт” [https://t.me/Qlever_tj_Bot].

ДАР ХОТИР ДОШТА БОШ! ГУЗАРВОЖААТРО БА КАСЕ НАДЕҲ. Маъмурияти Qlever ҳеҷ гоҳ гузарвожаи туро намепурсад.
Гузарвожаи худро танҳо дар сомонаи расмии Qlever — www.qlever.asia ворид намо.
Ҳангоми пайдо шудани шубҳае, ки сомонаи логин ва гузарвожаи туро дархостнамуда расмӣ намебошад, ягон маълумотро ворид накун, аз он баро ва дар бораи он ба Telegram чат, бахши “Сабт ва барқароркунии аккаунт” хабар деҳ [https://t.me/Qlever_tj_Bot].

Паёмак намеояд, чӣ кор кард?
Дар ҳоле, ки паёмак бо коди тасдиқкунанда намеояд, пеш аз дархости коди нав чунин тавсияҳоро медиҳем:
  • Дурустии рақами телефонатро тафтиш намо.
  • Шояд пайвастшавии интернет суст бошад. Роҳи ҳал – ба дигар шабака ё wi-fi пайваст шудан.
  • Боварӣ ҳосил намо, ки дар телефонат ҷойи холӣ барои қабули паёмак ҳаст; агар ҷойи холӣ набошад паёмакҳои кӯҳнаро бояд нест кард.
  • Боварӣ ҳосил намо, ки паёмакҳо аз дигар суроғаҳо омада истодаанд.
  • Телефонро хомӯш карда аз нав гирон кардан.
Баъди иҷрои ин тавсияҳо, “Бори дигар ирсол кардан”-ро пахш намо. Вақти омадани паёмак то 30 дақиқа шуданаш мумкин аст. Диққат: “Бори дигар ирсол кардан”-ро бисёр пахш кардан (зиёда аз 5 маротиба) аз меъёри ирсоли паёмак мегузарад.
Агар баъди ин корҳо паймак наомад, ба Telegram чат, бахши “Сабт ва барқароркунии аккаунт” ба мо бинавис [https://t.me/Qlever_tj_Bot].

Бозӣ ва ситорачаҳо

Чӣ тавр бояд ситорачаҳоро ба даст овард?
Дар бозиҳо холҳоро ба даст овардан мумкин аст, ки онҳо ба ситорачаҳо табдил меёбанд. Яъне рейтинги 2500 хол дар Медиаполе, ин ҳоло маънои 2500 ситорача дар Qlever намебошад. Ситорачаҳо дар бозиҳои таълимӣ зудтар ба даст меоянд (Медиаполе, Space Adventures, Moderator ва ғайраҳо). Шумораи ситорачаҳо дар ҳар як бозӣ маҳдуд аст. Агар ту рекорди худро ба даст овардӣ аммо дигар ситорачаҳо намеоянд, ин маънои онро дорад, ки ту ҳама ситорачаҳои ин бозиро гирифтаӣ.
Ба ғайр аз бозиҳо, боз дар куҷо ситорачаҳо гирифтан мумкин аст?
Ситорачаҳоро дар пурсишномаҳо, викторинаҳо дар бахши “Шавқовар”, дар озмунҳое, ки мо мегузаронем ва бо промокодҳо ҷамъ кардан мумкин аст. Муфассалтар дар бораи промокодҳо дар инҷо хондан мумкин аст: https://tj.qlever.asia/news/722
Барои чӣ ситорачаҳо ба даст оварда намешавад?
Сабабҳои ба даст оварда нашудани ситорачаҳо:
- Ту аллакай шумораи максималии ситорачаҳоро гирифтаӣ. Шумораи максималии ситорачаҳо дар муқоваи (расми) ҳар як бозӣ ишора шудааст. Масалан, дар бозии “Detective” ба таври максималӣ 200 ситорача гирифтан мумкин аст.
- Рекорди худро дар бозии Mediapole аз нав расида наметавонӣ. Рейтинги худро баланд намо ва бозӣ ситорачаҳои иловагӣ медиҳад.
Агар ситорачаҳо бо дигар сабабҳо наомада истодаанд, пас ба Telegram чат, бахши “Ситорачаҳо ва холҳо” ба мо бинавис [https://t.me/Qlever_tj_Bot].

Ман чӣ тавр метавонам ситорачаҳоямро ба дӯстам тӯҳфа кунам?
Чунин имкогният вуҷуд надорад. Аз рӯи қоидаҳои платформа, аз як аккаунт ба дигар аккаунт гузаронидани ситорачаҳо манъ аст.
Бозӣ кушода намешавад, ягон чизро дида намешавад, экрани сиёҳ. Барои чӣ ин тавр аст?
Багҳо дар бозӣ бо якчанд сабаб рух дода метавонанд:
  1. Сифати пасти интернет
  2. Мушкилиҳои техники аз ҷониби мо
  3. Ё ин, ки хатогӣ дар барнома
Агар пайвастшавӣ ба дигар шабакаи Интернет ёрӣ надод, пас ба Telegram чат, бахши “Бозӣ кушода намешавад” навиштан мумкин аст [https://t.me/Qlever_tj_Bot]

Тӯҳфаҳо ва пур кардани суратҳисоб

Чӣ тавр метавонам аз мағоза тӯҳфаро гирам?
Боварӣ ҳосил намо, ки барои гирифтани тӯҳфаи муайяне, ситорачаҳо кфоӣ аст. Дар барномаи Клевер ба мағоза ворид шав, тӯҳфаи маъқулшударо интихоб намо ➡️ “Харидан”-ро пахш намо ➡️ Суроғаи дастраскуниро ишора намо ➡️ харидро тасдиқ намо! Агар хоҳӣ, ки тӯҳфа зудтар ояд, ба Telegram чат, бахши “Харидҳо (суратҳисоб, тӯҳфаҳо ва дастраскунӣ) бинавис [https://t.me/Qlever_tj_Bot].

Барои чӣ наметавонам ситорачаҳоро ба тӯҳфаҳо иваз намоям?
Агар ситорачаҳоро ба тӯҳфаҳо иваз карда нашавад, дар инҷо ду сабаб ҳаст:
  • Ту ситорачаҳои кофӣ барои тӯҳфаи муайяне надорӣ;
  • Тӯҳфа ба охир расидааст. Ҳолати "Фурӯхта шудааст" маънои онро дорад, ки чунин тӯҳфа айни ҳол дар мағоза вуҷуд надорад. Аз сабаби он, ки шумораи тӯҳфаҳо маҳдуд аст, туро мебояд тӯҳфаи худро, ҳангоме, ки он дар мағоза пайдо мешавад, ҳарчи зудтар харидорӣ намоӣ. Агар ба ҷои ҳолати “Фурӯхта шудааст” платформа хабар медиҳад, ки ту аллакай ин тӯҳфаро харидорӣ намудаӣ (аммо чунин нест) паст бояд барномаи Qlever-ро навсозӣ намоӣ. Агар ин ҳам ёрӣ нарасонд, пас ба Telegram чат, бахши “Харидҳо (суратҳисоб, тӯҳфаҳо ва дастраскунӣ) муроҷиат намо [https://t.me/Qlever_tj_Bot].
Барои чӣ тӯҳфаҳо инқадар зуд ба охир мерасанд?
Шумораи тӯҳфаҳо дар мағоза маҳдуд аст, бозингарон бошад рӯз аз рӯз зиёд шуда истодаанд. Барои ҳамин бояд тӯҳфаро ҳарчи зудтар бояд гирифт. Тавсия: тӯҳфаҳо ба платформа дар оғоз ва миёнаи ҳар моҳ илова карда мешаванд.😉

Бо ситорачаҳои бадастовардашуда чӣ кор кунам?
Ситорачаҳоро ба тӯҳфаҳо иваз кардан мумкин аст. Барои интихоби тӯфа, ба “Мағоза” ворид шав ва тӯҳфаи маъқулро интихоб намо.

Чӣ тавр ман метавонам суратҳисоби худро дар телефон пурра намоям?
Барои гирифтани воҳиди мобилӣ, бояд ба Telegram чат, бахши “Харидҳо (суратҳисоб, тӯҳфаҳо ва дастраскунӣ) [https://t.me/Qlever_tj_Bot] ворид шуд. Акси шиноснома ё шаҳодатномаи таваллуди худро ирсол намуда рақами телефонеро, ки бо он дар платформаи Qlever сабт шудаӣ, ишора намо. Дар акс ту метавонӣ ба ғайр аз ному насаб ва санаи таваллуд дигар маълумотро пинҳон намоӣ.

Пурра кардани суратҳисобро дар мағозаи Qlever ёфтан мумкин аст. Боварӣ ҳосил намо, ки дар платформа ному насаб ва санаи таваллуди худат ишора шудааст. Бидуни ин маълумот, пурра кардани суратҳисоб номумкин аст. Оиди тағйир додани маълумоти шахсӣ дар аккаунти Qlever мо дар боло навишта будем – саволи “Чӣ тавр ман метавонам маълумоти худро тағйир диҳам?”

Тӯҳфаҳо дар чанд рӯз дастрас мешаванд (Пурра кардани суратҳисоб НЕ)?
Мӯҳлати дастрасии тӯҳфаҳо 12 рӯзи корӣ мебошад (рӯзҳои истироҳат ҳисоб намешавад).

Барои ирсоли тӯҳфа, туро лозим аст суроғаи аниқ ва рақами телефони шахси қабулкунандаро ишора намоӣ (беҳтараш 2-то). Платформа худ ин маълумотро аз ту дархост мекунад. Агар ту хоҳӣ, ки тӯҳфа зудтар дастрас шавад, ба Telegram чат, бахши “Харидҳо (суратҳисоб, тӯҳфаҳо ва дастраскунӣ) [https://t.me/Qlever_tj_Bot] ба мо бинавис. Рақами телефонатро дар платформа ва ному насабатро ишора намо.

Барои тафтиш кардани он, ки маълумот барои дастраскунӣ дуруст аст, бояд чунин корҳоро иҷро кард (инро танҳо дар браузер кардан мумкин аст):
  • ба профили худ ворид шудан (ишорача бо номи ту дар куҷи рости болоии экран);
  • Ба “Таърихи харидҳо” рафта хариди ҳозираро интихоб намудан;
  • Дар ойинаи навбатӣ “Иваз кардани суроғаи дастраскунӣ”-ро интихоб кардан – он зери тасвири тӯҳфа мавҷуд аст;
  • Маълумоти навро ворид намуда “Иваз кардан”-ро пахш кардан.

Агар бо ягон сабабҳо тӯҳфаи ту муддати 12 рӯз дастрас нашуд, ба маъмурияти платформат Qlever муроҷиат намо. Дар Telegram чат мо зудтар ҷавоб медиҳем, бахши “Харидҳо (суратҳисоб, тӯҳфаҳо ва дастраскунӣ)-ро интихоб намо [https://t.me/Qlever_tj_Bot]!

Оё ман метавонам як тӯҳфаро ду маротиба гирам?
Афсӯс не. Ҳар як тӯҳфаро танҳо як маротиба гирифтан мумкин аст.

Чӣ тавр харидории тӯҳфаро қатъ карда ситорачаҳоро баргашта гирифтан мумкин?
Мустақилона тӯҳфаро қатъ карда намешавад, барои ин бояд ба маъмурияти Qlever муроҷиат намудан лозим аст. Дар Telegram мо зудтар ҷавоб медиҳем, бахши “Харидҳо (суратҳисоб, тӯҳфаҳо ва дастраскунӣ)-ро интихоб намо [https://t.me/Qlever_tj_Bot]!
Ситорачаҳоро бозгашт кардан мумкин аст, агар аз рӯзи харид кардан 3 рӯз нагузашта бошад.

Таърихи тӯҳфаҳои худро чӣ тавр бояд дид?
Барои дидани таърихи тӯҳфаҳое, ки дар Qlever гирифтаӣ, ба профили худ ворид шав, таърихи харидҳоро дарёфт намо ва тугмачаи “Ҳамаи харидҳо”-ро пахш намо. Ба профили худ чӣ тавр ворид шуданро мо дар саволи “Чӣ тавр ман метавонам маълумоти худро тағйир диҳам?” гуфта гузаштем

Чанд вақт дар мағоза тӯҳфаҳои нав пайдо мешавад?
Дар як моҳ ду маротиба дар мағоза тӯҳфаҳои нав пайдо мешавад. Дар аввал ва мобайни моҳ. Мо ба ҳама Push-огоҳӣ ирсол мекунем. Барои ҳамин, дар танзимоти телефони худ, огоҳиҳоро аз барномаи мо фаъол намо.

Оё Qlever метавонад воҳидҳои мобилӣ/пурра кардани суратҳисобро ба корти бонкии партояд?
Не. Воҳидҳои мобилӣ танҳо ба суратҳисоби телефон гузаронида мешавад. Тӯҳфаҳоро ба таври пули нақдӣ, ба корти бонкӣ ё ҳамёни мобилӣ гирифта намешавад.

Барои чӣ пурра кардани суратҳисоби телефони ман намеояд?
Агар ту воҳиди мобилиро бурд кардӣ, маъмурияти мо маълумоти туро тафтиш мекунад. Воҳидҳо ирсол намешаванд агар:
  • Ту ному насаб ва санаи таваллудро нодуруст ворид кардаӣ;
  • Ту қоидаҳои созишномаи истифодабарандагони Qlever-ро вайрон мекунӣ - https://tj.qlever.asia/terms;
  • Ту рақами телефонро нодуруст ишора кардаӣ – онро дубора, дар бахши Профил ➡️ Таҳрири профил, тафтиш намо;
  • Агар се рӯз гузашт, маълумоти ту дуруст аст, аммо воҳидҳо наомаданд – ба Telegram, бахши “Харидҳо (суратҳисоб, тӯҳфаҳо ва дастраскунӣ) [https://t.me/Qlever_tj_Bot] ба мо бинавис (дар онҷо мо зудтар ҷавоб медиҳем). Ё ин, ки бо мо ба алоқа баро: Дар барномаи мобилӣ: "Бештар" ➡️ "Дар бораи Qlever" ➡️ "Муроҷиат ба маъмурият".
Бо кадом сабаб ман тӯҳфаамро гирифта наметавонам?
Агар ту тӯҳфа бурд намудӣ, маъмуриятӣ мо маълумоти туро тафтиш мекунад. Тӯҳфа дастрас намешавад, агар:
  • Ту ному насаб ва санаи таваллудро нодуруст ворид кардаӣ;
  • Ту қоидаҳои созишномаи истифодабарандагони Qlever-ро вайрон мекунӣ - https://tj.qlever.asia/terms;
  • Ту рақами телефонро нодуруст ишора кардаӣ – хизматрасонии дастраскунӣ бо ту ба алоқа баромада наметавонад;
Маълумоти дурустро ворид намо ва ба мо дар Telegram, бахши “Харидҳо (суратҳисоб, тӯҳфаҳо ва дастраскунӣ) [https://t.me/Qlever_tj_Bot] бинавис (дар онҷо мо зудтар ҷавоб медиҳем).